Advint un jour qu'une vieille effacée
Par le chemin son ordure faisoit,
Jusques au sein sa cotte estoit troussée
Qui de monstrer son cul ne luy nuysoit.
"Va te cacher villaine !", ce disoit
Un faulx prescheur, qui lors passoit par là.
"Ha !" (dist la vieille en escoutant cela)
"J'ayme trop mieulx monstrer ce que je porte,
Que de celer ce que Dieu revela,
Comme tu fais, Cagot, en mainte sorte."